15

കോ​ട്ട​യം: 2008 മു​ത​ൽ 2025 വ​രെ​യു​ള്ള 18 വ​ർ​ഷ​ത്തി​നി​ടെ സം​സ്ഥാ​ന​ത്ത്  കാ​ട്ടാ​ന​ക​ളു​ടെ ആ​ക്ര​മ​ണ​ത്തി​ൽ 581 പേ​ർ കൊ​ല്ല​പ്പെ​ടു​ക​യും 1200 പേ​ർ​ക്കു ഗു​രു​ത​ര​മാ​യി പ​രി​ക്കേ​ൽ​ക്കു​ക​യും ചെ​യ്ത​താ​യി റി​പ്പോ​ർ​ട്ട്. കേ​ന്ദ്ര പ​രി​സ്ഥി​തി  മ​ന്ത്രാ​ല​യ​ത്തി​ന്‍റെ പ്രോ​ജ​ക്ട് എ​ലി​ഫ​ന്‍റ് ഡി​വി​ഷ​നും വൈ​ൽ​ഡ്‌​ലൈ​ഫ്  ഇ​ൻ​സ്റ്റി​റ്റ്യൂ​ട്ട് ഓ​ഫ് ഇ​ന്ത്യ​യും സം​യു​ക്ത​മാ​യി ത​യാ​റാ​ക്കി​യ​താ​ണ് പ​ഠ​ന  റി​പ്പോ​ർ​ട്ട്.

സം​സ്ഥാ​ന​ത്തെ 36  ഫോ​റ​സ്റ്റ് ഡി​വി​ഷ​നു​ക​ളി​ൽ​നി​ന്നാ​യി 214 ഗ്രാ​മ​ങ്ങ​ൾ  ക​ടു​ത്ത കാ​ട്ടാ​ന ആ​ക്ര​മ​ണ ഭീ​ഷ​ണി  നേ​രി​ടു​ന്ന​താ​യി റി​പ്പോ​ർ​ട്ട് പ​റ​യു​ന്നു. ക​ണ്ണ​ൻ ദേ​വ​ൻ ഹി​ൽ​സ്, കു​ട്ട​മ്പു​ഴ, ചി​റ്റാ​ർ, മാ​ങ്കു​ളം, പ​ട​വ​യ​ൽ, പീ​ച്ചി  തു​ട​ങ്ങി​യ ഗ്രാ​മ​ങ്ങ​ൾ അ​തീ​വ ജാ​ഗ്ര​താ മേ​ഖ​ല​ക​ളാ​ണ്. കൂ​ടു​ത​ൽ പേ​ർ കൊ​ല്ല​പ്പെ​ട്ട​ത് നി​ല​മ്പൂ​ർ സൗ​ത്ത് ഡി​വി​ഷ​നി​ലാ​ണ്-78. മ​ണ്ണാ​ർ​ക്കാ​ട്-64, പാ​ല​ക്കാ​ട്-57, മാ​ങ്കു​ളം-57, മൂ​ന്നാ​ർ-50, പെ​രി​യാ​ർ ഈ​സ്റ്റ്-42 എ​ന്നി​ങ്ങ​നെ​യാ​ണ് മ​ര​ണം  സം​ഭ​വി​ച്ച​ത്.

കാ​ടു​ക​ളി​ൽ  സ്വാ​ഭാ​വി​ക  തീ​റ്റ​പ്പു​ല്ലു​ക​ൾ കു​റ​യു​ക​യും മ​ഞ്ഞ​ക്കൊ​ന്ന, കൊ​ങ്ങി​ണി​പ്പൂ​വ്, യൂ​പ​റ്റോ​റി​യം തു​ട​ങ്ങി​യ  അ​ധി​നി​വേ​ശ സ​സ്യ​ങ്ങ​ൾ വ്യാ​പ​ക​മാ​കു​ക​യും ചെ​യ്ത​ത് ആ​ന​ക​ളെ  തീ​റ്റ​തേ​ടി നാ​ട്ടി​ലി​റ​ങ്ങാ​ൻ  പ്രേ​രി​പ്പി​ക്കു​ന്നു​വെ​ന്നു റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടു​ന്നു. അ​തോ​ടൊ​പ്പം വ​നാ​തി​ർ​ത്തി​ക​ളി​ൽ  വ്യാ​പ​ക​മാ​യി കൃ​ഷി ചെ​യ്യു​ന്ന വാ​ഴ,  തെ​ങ്ങ്, ക​മു​ക്,  കൈ​ത​ച്ച​ക്ക, ച​ക്ക തു​ട​ങ്ങി​യ പോ​ഷ​ക​സ​മൃ​ദ്ധ​മാ​യ  വി​ള​ക​ൾ കാ​ട്ടാ​ന​ക​ളെ  ആ​ക​ർ​ഷി​ക്കു​ന്നു.

മ​ഴ​ക്കു​റ​വും വേ​ന​ൽ​ക്കാ​ല​ത്ത്  കാ​ടു​ക​ളി​ലെ ജ​ല​സ്രോ​ത​സു​ക​ൾ വ​റ്റു​ന്ന​തും  ആ​ന​ക്കൂ​ട്ട​ങ്ങ​ളെ കാ​ടി​റ​ങ്ങാ​ൻ  നി​ർ​ബ​ന്ധി​ത​രാ​ക്കു​ന്നു. 2025ലെ ​ക​ണ​ക്കെ​ടു​പ്പു പ്ര​കാ​രം 2785 കാ​ട്ടാ​ന​ക​ളാ​ണു കേ​ര​ള​ത്തി​ലു​ള്ള​ത്. മ​നു​ഷ്യ-​വ​ന്യ​ജീ​വി സം​ഘ​ർ​ഷ​ത്തെ ‘സം​സ്ഥാ​ന ദു​ര​ന്ത’​മാ​യി പ്ര​ഖ്യാ​പി​ച്ച  രാ​ജ്യ​ത്തെ ആ​ദ്യ സം​സ്ഥാ​ന​മാ​ണ് കേ​ര​ളം.  കേ​ര​ള​ത്തി​ന്‍റെ മാ​തൃ​ക​യി​ൽ ത​മി​ഴ്നാ​ട്, ക​ർ​ണാ​ട​ക,  ആ​ന്ധ്രാ​പ്ര​ദേ​ശ് സം​സ്ഥാ​ന​ങ്ങ​ളെ ഏ​കോ​പി​പ്പി​ച്ച്  ദ​ക്ഷി​ണേ​ന്ത്യ​ൻ മേ​ഖ​ല​യ്ക്കാ​യി 999.87 കോ​ടി രൂ​പ​യു​ടെ സ​മ​ഗ്ര റീ​ജ​ണ​ൽ ആ​ക്‌​ഷ​ൻ പ്ലാ​ൻ കേ​ന്ദ്ര വ​നം-​പ​രി​സ്ഥി​തി മ​ന്ത്രാ​ല​യം വി​ഭാ​വ​നം ചെ​യ്തി​ട്ടു​ണ്ട്. 

ഇ​തി​ൽ 50 ശ​ത​മാ​നം കേ​ന്ദ്ര സ​ഹാ​യ​ത്തോ​ടെ  ന​ട​പ്പാ​ക്കു​മെ​ന്നും റി​പ്പോ​ർ​ട്ടി​ൽ പ​റ​യു​ന്നു. ആ​ന​ക​ൾ കാ​ടി​റ​ങ്ങു​ന്ന​തു ത​ട​യാ​ൻ വി​വി​ധ പ​ദ്ധ​തി​ക​ളും റി​പ്പോ​ർ​ട്ടി​ൽ നി​ർ​ദേ​ശി​ച്ചി​ട്ടു​ണ്ട്. 2008 മു​ത​ൽ 2025 വ​രെ വി​വി​ധ കാ​ര​ണ​ങ്ങ​ളാ​ൽ 695  കാ​ട്ടാ​ന​ക​ൾ ച​രി​ഞ്ഞ​താ​യും റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടു​ന്നു. ഇ​തി​ൽ  469 എ​ണ്ണം സ്വാ​ഭാ​വി​ക കാ​ര​ണ​ങ്ങ​ളാ​ലാ​ണ്. 

226 എ​ണ്ണം മ​നു​ഷ്യ  ഇ​ട​പെ​ട​ലു​ക​ൾ മൂ​ല​മാ​ണ്. മ​നു​ഷ്യ ഇ​ട​പെ​ട​ൽ മൂ​ല​മു​ള്ള മ​ര​ണ​ങ്ങ​ളി​ൽ 154 എ​ണ്ണം അ​ന​ധി​കൃ​ത വൈ​ദ്യു​ത വേ​ലി​ക​ളി​ൽ​നി​ന്നും താ​ഴ്ന്നു​കി​ട​ക്കു​ന്ന വൈ​ദ്യു​തി ലൈ​നു​ക​ളി​ൽ​നി​ന്നു​മു​ള്ള ഷോ​ക്കേ​റ്റാ​ണ്. ട്രെ​യി​ൻ ത​ട്ടി 17 ആ​ന​ക​ളും വാ​ഹ​നാ​പ​ക​ട​ങ്ങ​ളി​ൽ 16 ആ​ന​ക​ളും ച​രി​ഞ്ഞു.